تو انا وصديقتي كنا نسولف عن الحراميه والسكرانين .. فتذكرت ذيك القصه
التي اسميها : قصةرعب في منزلنا ...
وكانت يوم كنت في الصف الرابع او الثالث الابتدائي ..
أبدا
يوم من ايام الحج في وقت الصلاة راحت امي واختي الكبيره يزورون زوجة خالي في المستشفى لأنها ولدت ..
بقى في البيت : انا ، اختي اصغر مني بـ 3 سنوات , اخوي اصغر مني بـ 6 سنوات , اختي اكبر مني بسنتين , اختي اكبر مني بـ 9 سنوات .. بس
انا كنت على الاب توب اختي بيش(الدلع حقها ) (اختي الي اكبر مني بسنتين) على الاب توب اختي نونو (الدلع حقها) (الي اصغر مني بثلاث سنوات)تلعب بألعابها واختي الي اكبر مني بـ 9 سنوات دلعها هلو كانت قاعده تقرأ مسجاتها واخوي الصغير دحوم يلعب بعدين رن الجرس .. ردت اختي هلو ماقدرت تسمع شيء لأن الموسيقى كانت تملئ المكان برى وكان فيه سياره وولد متسند عليها وصوت الموسيقى يطلع من السياره بعدين ركب الولد السيارة وصدم باب بيتنا الاكبير وانكسر الباب :shock: هلو قالت : تعالوا بسرعه حرااامي انا كنت اشرب مويه يوم خلصت قلت : هاه ؟؟حرامي خليه يجي اشوته..
قالت : بسرعه امشي معه شي طويل كأنه سيف ,بيش بسررعه تعالي .
بيش: ليش ماابي..
هلو : احسن جعله يقتلك ..
بيش: لا اصبري بجي ..
ودخلنا الغرفه وقفلنا على انفسنا ونسمع اصوات تخبيط تحت واصوات تخبيط فوق ..
بيش وهلو ونونو يبكوون وانا اتغصب الدموع عشان اتحاشى اي اوامر منهم ^^ ..
مسكت هلو جوالها ودقت على امي ..امي ماردت ..دقت على خالتي خلود .. خالتي ماردت ..دقت على عمي عبد الرحمن .دقوا على الشرطه . عمي مارد .دقوا على الشرطه . دقت على خالتي ريم.دقوا على الشرطه. ماردت ..دقت على ابوي.دقوا على الشرطه. ابوي في الطريق لمكه :D .. دقت على عمي محمد ...دقوا على الشرطه...اخيرا رد ..
دارين مين يقول دقوا على الشرطه ؟؟ادميه اسمها انا محد عطاها وجه ..
هلو : عمي هه>>تراها شهقه حقت الصياح .. عمي هه الحرامي طب في بيتنا هه ..
عمي : خلاص لاتخافين مين انتي ميمو ولا هلو؟؟؟
هلو: هلو ..
عمي : خلاص انا في الدوام (تراه يشتغل بمستشفى الملك خالد)..(عمي مشهوووور بسرعته في السواقه حتى لو كان امر مو مهم ) >>الله يستر
وخلصت المحادثه ..
دقت على اخوي عبود ..رد :
عبود : الو
هلو: عبود بسرعه ارجع البيت هه
عبود : وش فيك؟؟
هلو : حرامي طب علينا ..
عبود : وينكم فيه الحين؟؟
هلو : غرفتي مقفلين هه علىهه نفسنا الباب..هه
عبود : طيب خلوكم انا جاييكم ..
دقت خالتي
خالتي خلود : هلا وش فيك داقه علي ؟؟
هلو خافت انها تخوف خالتي لأن خالتي يغمى عليها اذا شافت صرصور..
هلو : لا بس بغيت اسولف معك ..
خالتي : هلو صوتك متغير تصيحين ؟؟
هلو : لا بس مزكومه ..
خالتي: في شيء صاير صح ؟؟ وشو علميني ..
هلو : لا ولا شي
خالتي : لاتكذبين ..
هلو: ا ا ا وااااااااااااااااااااااااااااء
خالتي: بسم الله وش فيك انهبلت؟؟
هلو : في بيتنا هه حرامي هه واحنا محبوسين في الغرفه هه ..
خالتي: نصاااااااااااابه ..
هلو : والله ..
خالتي: واااء الحين بنجيكم..
وسكرت السماعه
ودقت خالتي ريم وعلمتها هلو السالفه..
ودق عمي وعلمته هلو السالفه..
دق ابوي:
ابوي: هلا شبغيتي؟؟
هلو: هاه ولاشيء بس بغيت اقولك انت وحمود وصلتوا؟؟
ابوي: لا ليش؟؟
هلو: اجل توصلون بالسلامه مع السلامه ..
ابوي : مع السلامه!!..
انا اطل من الدريشه واشوف سيارة عمي بدر..
انا: سيارة عمي بدر ..(المشكله انه مسافر ^^')
ويتجمعون في النهايه اكتشفناانها موب هي :D
لاتلوموني رجاءاً
المهم
فجأه يدق باب الغرفه
هلو وقف قلبها الا نقطه
بيش:واااااااااااااااااء
نونو:وااااااااااااااااااااااااااء
انا: ...............................
دحوم: وااااااااااااااء>>>مايدري شالسالفه بس يواكب الوضع :D ..
هلو : مــ ـيـــ ـــن هه
الطارق : افتحي
هلو : مم مين؟؟
الطارق: انا عبود
هلو تفتح الباب
عبود : مافيه احد -.-
هلو : الا فيه انا متأكده
عبود : طيب اطلعوا بنزل اتأكد من الباب الامامي
ونزل وانا اطل من شاشة الجرس حق الشارع اشوف شرطي :shock:
انافي نفسي :معقوووول؟؟
انا:الشرطه جت..
وماصدقوا خبر يجتمعون عند الشاشه
وجت امي ..
واخذتنا بالأحضان ..
اعتقلوا الحرامي في النهايه تبين انه سكراااااااان :shock:
والاصوات حقت الباب كان هو يطق الباب بقوه والاصوات الي فوق كان الدولاب مكسور والدريشه مفتوحه ويصدر اصوات ^^
قلنا لأمي كيف دريتوا؟؟
قالت اقولكم السالفه :
واحنا في الطريق دقت الخدامه على السواق وقالت له :
فيه حرامي في البيت ..
السواق صرخ : حرامي !!
وبدى يسرع يوصلهم المستشفى
يوم وصلوا المستشفى جاء لأمي اتصال من خالتي تخبرها بما حدث ..
قالت امي: مبارك (اسم سواقنا)ارجع بيت ..
ودقت امي على الشرطه ..
سمعت امي الشرطه تقول لبعض :
هذا البلاغ الخامس عن الحرامي الي في البيت الي في النخيل الغربي :D
(يحبووونا)
المهم نرجع لواقعنا الحاضر..
الذين جاؤو لبيتنا بعد سماعهم بالخبر الاشخاص التالون :
اخوي عبود
عمي محمد
جيراننا البعيدين
فهد ولد عمي عبد الرحمن
عمي عبد الرحمن
زوج خالتي خلود
امي واختي
وسلامتكم
وقال عمي محمد : جيبوا ملابسكم تنومون عندي ..
انا في نفسي : يافله العب مع هتون وندى ..
امي: لا شكرا ..
انا في نفسي : لليييييييييييش T-T
عمي : البوابه مكسورة يمكن يطبون عليكم حراميه زياده ..
امي: لا بنسوي لها شي ..
وبعد إذ غرقنا في نوووم عميييييييييييق
وبكره قالنا اخوي وش سوى يوم شاف الحرامي
والقصه كالآتي:
كان الحرامي يحاول يفتح الباب عشان يدخل البيت..
عبود : هيه انت شتسوي ..
السكران : مالك دخل انا عندي مشاكل معاهم (الله من زود الفقش)
عبود : هاه؟-.- ماتخاف من ربك مشغل موسيقى وقت الصلاة ؟؟
السكران : اا ربي احسن من ربك !!(وش يحس به ذا صح؟)
وجت الشرطه وخذته وهو يقول :مالكم دخل انا عندي مشاكل معاهم ..
واتوقع انه في السجن الحين ..
عجبتكم مغامرتنا؟؟
مين كان وده يصير معانا يرفع يده ويقول :
اناااا
جانا
ملاحظه : كل ماكتب واقعي وليس خيال وأسألوا عشيقة كازيمارو وتسونامي اذا ماصدقتوني